Houlin Zao Beynəlxalq Telekommunikasiya İttifaqının (BTİ) Baş katibidir, o, 2018-ci ilin noyabr ayında Birləşmiş Ərəb Əmirliklərinin Dubay şəhərində keçirilmiş 20-ci Səlahiyyətli Konfransda yenidən bu vəzifəyə seçilmişdir.

2014-cü ildə ilk dəfə BTİ Baş katibi seçilməmişdən əvvəl cənab Zao 8 il BTİ Baş katibinin müavini vəzifəsində çalışmışdır. Bu vəzifədə o, vacib innovasiyaların tətbiq olunmasına cavabdeh olmuşdur.

Həmçinin cənab Zao İKT-nin dünya ölkələri üzrə qarşılıqlı fəaliyyətinin təmin olunması məqsədilə texniki standartlar hazırlayan BTİ-nin Telekommunikasiya Standartlaşdırma Bürosunun direktoru vəzifəsinə 2 dəfə seçilmişdir. Bundan əvvəl isə 12 il Telekommunikasiya Standartlaşdırma Bürosunda baş müşavir vəzifəsində çalışmışdır.

BTİ-dəki fəaliyyətindən əvvəl cənab Zao, Çinin Poçt və Telekommunikasiya Nazirliyinin Layihə İnstitutunda mühəndis kimi çalışmışdır.

Cənab Zao 1950-ci ildə Çinin Ciangsu şəhərində anadan olmuşdur, Nanjing Poçt və Telekommunikasiya Universitetini bitirmişdir. O, Birləşmiş Krallığın Esseks Universitetində telematika bölməsi üzrə magistr təhsili almışdır.

Ramin Quluzadə Azərbaycan Respublikasının Prezidentinin 13 fevral 2017-cı il tarixli Sərəncamı ilə Azərbaycan Respublikasının nəqliyyat, rabitə və yüksək texnologiyalar naziri təyin edilmişdir.

Bundan öncə, o, 2016-2017-ci illərdə Azərbaycan Respublikasının rabitə və yüksək texnologiyalar naziri vəzifəsində fəaliyyət göstərmişdir. 2005-2015-ci illərdə Heydər Əliyev Fondunda rəhbər vəzifələrdə çalışmışdır. Azərbaycan Respublikası Prezidentinin 2014-cü ildə imzaladığı Sərəncama əsasən, Heydər Əliyev irsinin qorunması və təbliğində səmərəli fəaliyyətinə görə “Tərəqqi” medalı ilə təltif edilmişdir.

Cənab Quluzadə Azərbaycan Dövlət İqtisad İnstitutunda (hazırda Azərbaycan Dövlət İqtisad Universiteti) iqtisadiyyat ixtisası üzrə bakalavr və magistr təhsili almışdır.

Mehmet Cahit Turhan 9 iyul 2018-ci il tarixində Türkiyə Respublikasının nəqliyyat və infrastruktur naziri təyin olunmuşdur.

O, 1960-cı ildə Türkiyənin Trabzon şəhərində dünyaya gəlmiş, 1981-ci ildə Qara Dəniz Texniki Universitetindən məzun olmuşudur.

Cənab Turhan 1985-2005-ci illərdə Türkiyə Respublikasının Avtomobil Yolları Baş İdarəsində müxtəlif vəzifələrdə çalışmışdır. 2005-2015-ci illərdə Avtomobil Yolları Baş İdarəsinin direktoru vəzifəsində işləmişdir.

2016-cı ildə Türkiyə Respublikasının Prezident Aparatında baş müşavir olaraq çalışmışdır.

Konstantin Şulqan 18 avqust 2018-ci il tarixində Belarus Respublikasının Rabitə və İnformasiyalaşdırma naziri vəzifəsinə təyin edilmişdir.

O, 11 iyul 1965-ci ildə Brest rayonun Bereza şəhərində anadan olmuşdur.

1989-cu ildə Minsk Ali Hava Hücumundan Müdafiə Mühəndisliyi Ali Məktəbini bitirmişdir.

1991-ci ildən 2008-ci ilədək Dövlət İnformasiya Təhlükəsizliyi Mərkəzində müxtəlif vəzifələrdə çalışmışdır.

2008-2018-ci illərdə Belarus Respublikasının Prezidenti yanında Əməliyyat Analitik Mərkəzində zabit vəzifədə xidmət etmişdir.

2016-cı ildə sözügedən mərkəzin sədr müavini vəzifəsinə təyin olunmuşdur.

Məhəmməd Cavad Azəri Cəhromi 20 avqust 2016-cı ildə İran İslam Respublikasının rabitə və informasiya texnologiyaları naziri təyin olunmuşdur. İran İslam Respublikası tarixində ən gənc nazirdir.

O, 13 oktyabr 1982-ci ildə İranın Cəhrom şəhərində anadan olmuşdur. Su və Enerji Sənayesi Universitetində elektrik mühəndisliyi üzrə ali təhsil almışdır.

Cənab Cəhromi 2002-ci ildən 2009-cu ilədək İran İslam Respublikasının Kəşfiyyat Nazirliyində müxtəlif rəhbər vəzifələrdə çalışmışdır. 2009-2014-cü illərdə İranın Rabitə Tənzimləmə Qurumunda Təhlükəsizlik sistemləri şöbəsinin baş direktoru kimi fəaliyyət göstərmişdir.

2016-cı ildə İran İslam Respublikasının rabitə və informasiya texnologiyaları nazirinin müavini və Telekommunikasiya İnfrastrukturu Şirkətinin İdarə Heyətinin sədri vəzifəsinə təyin edilmişdir.

Bernard Qrşiç dövlət idarəçiliyinin və iqtisadiyyatın rəqəmsallaşdırılması, vətəndaşların rəqəmsal bacarıqlarının artırılması və kibertəhlükəsizliyin təşviqinə yönəlmiş Xorvatiyada rəqəmsal cəmiyyətinin inkişafı üçün məsul dövlət katibidir.

Cənab Qrşiç Dövlət İnformasiya İnfrastrukturu Şurasının və Rəqəmsal Bacarıqlar və İşlər üzrə Milli Koalisiyanın üzvüdür. O, Rəqəmsal İqtisadiyyat üzrə Milli Şuranın işində iştirak edir və 2030-cu ilədək milli inkişaf strategiyasını hazırlayan qruplardan biri olan Rəqəmsal Cəmiyyət üzrə İşçi Qrupuna rəhbərlik edir.

O, eyni zamanda 2016-2017-ci illərdə Dövlət İdarəçiliyi nazirinin köməkçisi olaraq elektron hökumətə cavabdehlik daşımışdır.

Elmir Vəlizadə Azərbaycan Respublikası Prezidentinin 02 fevral 2018-ci il tarixli Sərəncamı ilə Azərbaycan Respublikasının nəqliyyat, rabitə və yüksək texnologiyalar nazirinin müavini təyin edilmişdir.

1991-ci ildə Azərbaycan Respublikası Prezidentinin Aparatında birinci dərəcəli mütəxəssis kimi işə başlamışdır. 1998-ci ildə Azərbaycan Respublikası Prezidentinin İcra Aparatının İnformasiya Resursları və Texnologiyaları Mərkəzinin rəhbəri təyin edilmişdir. 2005-ci ildən Azərbaycan Respublikası Prezidentinin İcra Aparatının İnformasiya Resursları və Texnologiyaları şöbəsinin müdiri vəzifəsində çalışmışdır.

2007-ci ilin dekabr ayının 26-da Azərbaycan Respublikasının rabitə və informasiya texnologiyaları nazirinin müavini təyin edilmişdir.

2015-ci ildə Azərbaycan Respublikası Prezidentinin Sərəncamı ilə “Tərəqqi” medalı ilə təltif olunmuşdur.

Azərbaycan Neft və Kimya İnstitutunda (hazırda Azərbaycan Dövlət Neft və Sənaye Universiteti) Avtomatlaşdırılmış İdarəetmə Sistemləri ixtisası üzrə bakalavr təhsili almışdır.

Ömər Abdullah Qaragözoğlu 13 avqust 2018-ci ildə Türkiyə Respublikasının İnformasiya və Kommunikasiya Texnologiyaları Qurumunun İdarə Heyətinin sədri təyin olunmuşdur.

O, 1972-ci ildə Şotlandiyanın Qlazqo şəhərində anadan olmuşdur. Şərqi Aralıq dənizi Universitetindən Elektrik və elektronika mühəndisiyi ixtisası üzrə məzun olmuşdur.

2002-2004-cü illərdə İstanbul Su və Kanalizasiya İdarəsində Proqram təminatı üzrə mühəndis olaraq fəaliyyət göstərmişdir. 2002-2016-cı illərdə “BELBİM” şirkətində müxtəlif rəhbər vəzifələrdə çalışmışdır.

2016-cı ildən Türkiyə Respublikasının İnformasiya və Kommunikasiya Texnologiyaları Qurumunun İdarə Heyətinin sədrinin müşaviri və İdarə Heyətinin üzvü olaraq fəaliyyət göstərmişdir.

Nikolay Pomoşçnikov 2019-cu ilin aprel ayından etibarən ESCAP-ın Şimali və Mərkəzi Asiya üzrə subregional ofisinin rəhbəri vəzifəsini icra edir.

O, 2011-ci ildən 2015-ci ilə qədər ESCAP-ın Şimali və Mərkəzi Asiya üzrə subregional ofisinin rəhbəri olmuşdur.

Cənab Pomoşçnikov 2005-ci ildən 2011-ci ilədək Rusiya Federasiyasının ESCAP yanında Daimi Nümayəndəsinin müavini vəzifəsində çalışmışdır.

İkinci dərəcəli fövqəladə və səlahiyyətli elçi diplomatik rütbəyə malikdir.

Siyasi elmlər üzrə fəlsəfə doktorudur.

Enriko Albertin “Cisco Systems” şirkətinin Ölkələrin Rəqəmsallaşdırılması üzrə Akselerasiya Proqramının qlobal əməliyyatlar direktorudur və rəqəmsal transformasiyalar sahəsində ixtisaslaşmışdır.

Enriko dünyanın müxtəlif ölkələrində qlobal rəqabətliliyinin və ÜDM artımının təmin olunması, vətəndaşlara yeni elektron xidmətlərin göstərilməsi, innovasiyaların təşviq olunması və yeni iş yerlərinin yaradılması məqsədilə rəqəmsal transformasiya strategiyalarının müəyyən olunması, konkret icra müddətləri göstərilməklə fəaliyyət planlarının və rəqəmsallaşdırma proqramlarının hazırlanması sahəsində hökumət başçıları, sənaye liderləri və akademik çevrələrlə çalışır.

Enriko Albertin “Cisco Systems” şirkətindən öncə 20 il “HP”, “Digital Equipment Corporation” və “Compaq Computers” şirkətlərində fəaliyyət göstərmiş, Avropa, Orta Şərq və Afrika regionları üzrə müxtəlif rəhbər vəzifələrdə çalışmışdır.

Sidhart Saksena Kembric Universitetinin Mərkəzi Asiya Forumunun sədri, Kembric Qazaxıstan Mərkəzinin direktoru və Mərkəzi Asiya Komitəsinin fəxri katibidir.

Cənab Saksena antropoloq, tarixçi və fizikaçıdır. Onun tədqiqat maraqları Mərkəzi Asiya və Yaxın Şərqdəki din və kimlik, bilik sistemləri, sosial və siyasi inkişaf və institusional tarixdir.

1971-ci ildə Hindistanın Laknou şəhərində anadan olmuşdur. Orta təhsilini tamamlamaq üçün Laknoudan Yeni Orleana gəlmiş və Yeni Orlean Universitetinə daxil olmuşdur, orada fizika və İslam tarixini öyrənmişdir. Sonra o, Xorasanda İslamın tarixi antropologiyasını araşdırmışdır. “Cavendish” laboratoriyasında fizika üzrə doktorantura təhsili almaq üçün Birləşmiş Ştatlardan Kembric Universitetinə gəlmişdir.

Anatoli İliyayiç radio şəbəkələrin, nəqliyyat portfelinin və peşəkar xidmətlərin təşviqi üçün cavabdeh olan Şərqi Avropa və Orta Asiya Müştəri Bölməsində Şəbəkələr və İdarəolunan Xidmətlər üzrə vitse-prezident vəzifəsində çalışır. Cənab İliyayiç 12 ölkədə həllərin və xidmətlərin inkişafına təkan verən satış öncəsi komandaya rəhbərlik edir.

Bu vəzifəsindən əvvəl, cənab İliyayiç, Yaxın Şərq, Mərkəzi Avropa, Skandinaviya və Baltik regionlarında telekom biznesi ilə məşğul olan və Stokholmda yerləşən Ericsson Biznes bölmələrində müxtəlif rəhbər vəzifələrdə çalışmışdır.

O, Mühəndislik və Biznes İdarəçiliyi üzrə iki magistr dərəcəsinə sahibdir, həmçinin Boston Universiteti, Kellogg Biznes Məktəbi, Thunderbird Universiteti və London Biznes Məktəbi kimi təhsil ocaqlarında çoxsaylı təhsil proqramlarında iştirak etmişdir.

Eli Ad “Nokia” şirkətində, xüsusilə də Nokia WING-də (Worldwide Internet of Things Network Grid) şaquli məhsul inkişafının rəhbəridir.

Nokia şirkətindən əvvəl cənab o, “Sigfox” şirkətində Yaxın Şərq və Asiya regionu üzrə tərəfdaşlıq direktoru və Afrika, Yaxın Şərq və Asiyada 19 ölkəni əhatə edən M2M / Əşyaların İnterneti strategiyalarının hazırlanmasına cavabdeh olan “Etisalat Group”da M2M/Əşyaların İnterneti üzrə qrup direktoru vəzifələrində çalışmışdır.

Cənab Ad telekommunikasiya sahəsində böyük təcrübəyə malikdir, Yeni Texnologiyaların İdarə edilməsi və Telekom Strategiyaları üzrə magistr dərəcələrinə sahibdir.

Dr. İtay Miyara kənd təsərrüfatı sektorunda texnologiya və rəqəmsal həllərin, xüsusilə də Əşyaların İnterneti sensorlarının tətbiqi sahəsində böyük təcrübəyə malik bitkişünaslıq və mikrobiologiya üzrə fəlsəfə doktoru və sahibkardır.

O, istixanalarda çalışan fermerlərə bitkilərin inkişafını optimallaşdırmağa və innovativ texnologiyalar vasitəsilə qazanclarını artırmağa köməklik edən “Grofit Agtech” şirkətinin həmtəsisçisi və icraçı direktorudur.

Dr. İtay Miyara 2014-2017-ci illərdə baş qərargahı İsveçrədə yerləşən “Syngenta” şirkətində tədqiqat və inkişaf üzrə menecer vəzifəsində çalışmış və fermerlərin kənd təsərrüfatı məhsullarını optimallaşdırmaq üçün böyük verilənlər bazasından istifadə üzrə rəqəmli həll layihələrinə öz töhfəsini vermişdir.

İvrit Universitetindən Bitki Patologiyası və Mikrobiologiya üzrə fəlsəfə doktoru dərəcəsinə malikdir.

Gökhan Özyiğitoğlu Türkiyənin aparıcı mobil operatoru olan “Türkcell”də Əşyaların İnterneti üzrə satış rəhbəridir və ağıllı şəhərlər, kənd təsərrüfatı və sənaye sahələri də daxil olmaqla müxtəlif sektorların rəqəmsal transformasiyası üçün Əşyaların İnterneti üzrə layihələrin inkişafına cavabdehdir.

O, telekommunikasiya sənayesində 13 illik fəaliyyəti dövründə müxtəlif vəzifələr tutmuş və Ağıllı Şəhərlər, Biznes Tətbiqləri, Fermerlər Seqmenti, Mobil İnternet üçün strategiyalar hazırlamışdır.

Cənab Özyiğitoğlu İstanbul Texniki Universitetindən Elektrik Mühəndisliyi üzrə bakalavr və Sabancı Universitetindən magistr dərəcəsinə malikdir.

Əli Mohsin telekommunikasiya və mobil şəbəkə sahəsində 15 illik təcrübəsi olan yüksək səviyyəli Böyük Britaniyalı mütəxəssisdir.

Birləşmiş Krallıq Ağıllı Şəhər Alyansının İdarə Heyətinin üzvü kimi, cənab Möhsin 5G, süni intellekt, “Blockchain” texnologiyaları, “Əşyaların İnterneti”, M2M, robotlaşdırma və avtonom nəqliyyat vasitələri kimi futuristik texnologiya təşəbbüsləri üzrə fəaliyyətə cəlb olunmuşdur.

Peşəkar İKT mütəxəssisi olaraq cənab Möhsin müxtəlif qitələrdə irihəcmli infrastruktur və rəqəmsal transformasiya layihələrinə cəlb edilmişdir.

Cənab Möhsin Vestminster Universitetində İnformasiya sistemlərinin idarə olunması ixtisası üzrə bakalavr, Birmingam Universitetində Biznesin idarə edilməsi ixtisası üzrə magistr təhsili almışdır.

Robert Fariş IDC-nin Rusiya və digər MDB ölkələrində araşdırma və konsaltinq işlərinə rəhbərlik edir.

1992-ci ildən bəri Robert Farish keçmiş Sovet İttifaqı ölkələrinin İT bazarlarını təhlil edir. Professional həyatının çox hissəsini Moskvada keçirərək 1995-ci ildə IDC-yə qoşulmuşdur. Onun rəhbərliyi ilə IDC-nin Avrasiya bölgəsində biznesi genişlənmişdir.

Robert Fariş MDB məkanında İT bazarlarında qabaqcıl mütəxəssislərdən biri olaraq qəbul edilir və mətbuat tərəfindən mütəmadi olaraq istinad edilir.

IDC-yə qoşulmazdan əvvəl cənab Fariş Moskvada yerləşən müstəqil “Rusiya Data Xidmətləri” tədqiqat şirkətinin direktoru olmuşdur.

Cənab Fariş Birləşmiş Krallığın Birminqam Universitetini tarix üzrə fərqlənmə diploma ilə bitirmiş və London Universitetinin Goldsmiths Kollecində rabitə sahəsi üzrə doktorantura təhsili almışdır.

Adil Məmmədov “İdrak Texnoloji Transfer” şirkətinin vitse-prezident vəzifəsində çalışır.

Cənab Məmmədov İKT sektorunda 20 ildən çox iş təcrübəsinə malik texnologiya strategiyası və menecmenti sahəsində ekspertdir.

“İdrak Texnoloji Transfer” şirkətindən əvvəl cənab Məmmədov Kanadada fəaliyyət göstərən “TELUS Telecommunications”, "Suncor Energy" və "Cenovus Energy" şirkətlərində bir sıra rəhbər vəzifələrdə çalışmışdır.

Azərbaycan Dövlət İqtisad İnstitutunda (hazırda Azərbaycan Dövlət İqtisad Universiteti) iqtisadiyyat ixtisası üzrə bakalavr və magistr təhsili almışdır.

Aida Karacanova ESCAP-da İKT və inkişaf bölməsinin iqtisadi işlər üzrə məmurudur.

Aida xanım Asiya-Sakit Okean İnformasiya Magistralının (AP-İS) bir hissəsi olan Mərkəzi Asiyada subregional genişzolaqlı şəbəkələrin və dəhlizlərin inkişafı üzrə fəaliyyət göstərir. O, həmçinin Qazaxıstanda, Qırğızıstanda və Monqolustanda DA-RECI layihəsinin həyata keçirilməsinə ytöhfə verir və 2019-2020-ci illər üzrə AP-İS İş Planına uyğun olaraq AP-İS və subregional tətbiq planlarını inkişaf etdirir.

Xanım Karacanova iqlim dəyişikliyi daxil olmaqla, davamlı inkişaf üzrə qrantlar portfelini artıraraq və prinsipial mövqe tutaraq bir neçə il UNDP, UNEP RRC.AP-də işləmişdir.

Giorgos Çatzis ölkənin mobil rabitə sahəsinin lideri olan “Azercell” şirkətində Korporativ Seqment Biznes strukturunun rəhbəri vəzifəsində çalışır. 5G erasında şirkətlərə rəqəmsal transformasiya səyahətində dəstək göstərilməsi, eləcə də onlara innovativ korporativ telekommunikasiya həllərinin təqdim olunması cənab Çatzisin rəhbərlik etdiyi heyətin fəaliyyətinin əsas tərkib hissələrindən biridir.

Cənab Çatzis telekommunikasiya sahəsinə aid olan müxtəlif xidmətlərin marketinqi, satışı və biznesin inkişafı üzrə 17 ildən artıq geniş beynəlxalq təcrübəyə malik bir mütəxəssisdir.

“Azercell”dən əvvəl cənab Çatzis İtaliyada” Vodafone”, Misirdə “Orascom Telecom” və Yunanıstanda fəaliyyət göstərən “Wind Hellas Telecommunications” şirkətlərində bir sıra rəhbər vəzifələrdə çalışmışdır.

Kompüter Mühəndisliyi üzrə bakalavr dərəcəsinə sahib olan cənab Çatzis Qlazqo Universitetində Biznes İdarəçiliyi üzrə magistr təhsili almışdır.

Krasimir Genov “IoT Net” və “IoT Solutions” şirkətlərinin İdarə Heyətinin üzvü, həmçinin “Azercell” şirkətində İstehlakçı Seqment Biznes strukturunun rəhbəridir.

Azərbaycan və Bolqarıstanda telekom sektorunda 14 illik təcrübəyə malikdir.

Cənab Genov 2015-2018-ci illərdə intensive şəkildə Əşyaların İnterneti üzrə faəliyyətə cəlb olunmuşdur.

Moskva Dövlət Beynəlxalq Münasibətlər İnstitutunun məzunudur.

Qaçay Mirzəyev “Microsoft” şirkətinin Azərbaycan nümayəndəliyinin Baş meneceridir. O, “Microsoft” şirkətində 2012-ci ildən çalışır.

Cənab Mirzəyev “Microsoft” sertifikatlı bulud həlləri arxitektoru və təlimçidir. Əsas ixtisaslaşma sahələri “Bulud” platforması, müasir iş yeri və məhsuldarlığın artırılması həlləridir.

Bakı Dövlət Universitetinin Tətbiqi Riyaziyyat və Kibernetika fakültəsini fərqlənmə diplomu ilə bitirmişdir, İKT sektorunda 20 ildən çox təcrübəyə malikdir.